VAN հեռուստաստուդիա

About company

«Վան» փրադաքշնը հեռուստաարտադրանքով զբաղվող մասնավոր ընկերություն է: Հիմադրվել է 2005թ-ին: Դեռ այն ժամանակ հիմնական նպատակներից մեկն էր հեռուստաեթերում մանկապատանեկան հաղորդաշարերի պատրաստումը: Հենց հիմնադրման հաջորդ տարվանից «Վան» հեռուստաստուդիան ձեռնամուխ է եղել մի շարք մանկական-լրատվական ծրագրերի ստեղծմանը, որոնք եթեր են հառարձակվել տարբեր հեռուստաընկերություններով: Այդ հաղորդումների պատրաստման ժամանակ պատանի լրագրողները բարձրացնում էին տարբեր ոլորտներին առնչվող խնդիրներ՝ պետական մարմինների ուշադրությունը հրավիրելով դրանց լուծման վրա: «Վան» հեռուստաստուդիան նշվածով չի սահմանափակվել: Գովազդի արտադրություն և տարածում, նոր, յուրօրինակ հեռուստանախագծերի և հաղորդումների ստեղծում, ֆիլմարտադրություն. ահա մեր գործունեության ոչ լրիվ ցանկը: Ընկերությունը համագործակցել է` «Արմենիա» հեռուստաընկերության «Ժամը» լրատվականի հետ, դարձել «TV ARM RU»-ի պաշտոնական ներկայացուցիչը Հայաստանի Հանրապետությունում և Լեռնային Ղարաբաղի Հանրապետությունում: Պետք է նշել «Վան» հեռուստաստուդիայի խոշոր նախագծերից երկուսը` «Վերածնունդ» և «Ձեռքեր» վավերագրական ֆիլմերը: «Վերածնունդ» ֆիլմաշարը նվիրված է՝ Հայաստանի Հանրապետության անկախության 20-ամյակին եւ պատմում է այն ձեռքբերումների մասին, որ ունեցել է Հայաստանն այս տարիներին: Շուրջ 2 տարի տևած նկարահանումների ընթացքում ֆիլմի ստեղծագործական խումբը աշխատել է ՀՀ բոլոր քաղաքներում, նկարահանումներ կատարել նաև Արևմտյան Հայաստանում: 12 մասից բաղկացած հսկայածավալ աշխատանքի արդյունքում ՀՀ քաղաքացիները, սփյուռքի մեր հայրենակիցները հնարավորություն են ստացել իրենց համար բացահայտելու Հայաստանն այլ տեսանկյունից, քանզի ֆիլմաշարում լուսաբանվել են այնպիսի նորություններ, որոնք անհայտ կամ քիչ լուսաբանված են եղել: «Վերածնունդ» ֆիլմաշարի շնորհանդեսը եղել է 2011թ.-ին «Մոսկվա» կինոթատրոնում, ցուցադրվել է նաև «Արմենիա» և «USA» հեռուստաընկերություններով: Հեռուստաստուդիայի երկրորդ խոշոր նախագիծը 45 րոպե տևողությամբ «Ձեռքեր» խորագրով փաստավավերագրական ֆիլմն է՝ նվիրված 1988թ-ի երկրաշարժին, որն արդեն մի քանի տարի է՝ ցուցադրվում է կինոթատրոններում և հեռուստաընկերություններով: Ֆիլմի առաջին կադրերը երկրաշարժի մասին են, այնուհետ ներկայացվում է, թե 20 տարիների ընթացքում ինչ ծրագրեր են իրականացվել Շիրակի և Լոռու մարզերում: Այժմ «Վան» հեռուստաստուդիան կազմակերպում է Պատանի լրագրողի դպրոց-ստուդիայի դասընթացները, որի շրջանակներում 12-16 տարեկան պատանիներին դասավանդվում են լրագրություն-հաղորդավարություն, օպերատորություն եւ մոնտաժ: Դասընթացի ժամանակ պատանիները գիտելիքներ են ստանում ոլորտի լավագույն մասնագետներից: Այս նախագծի շրջանակներում «Վան» հեռուստաստուդիան համագործակցում է «Կենտրոն» հեռուսաընկերության հետ և պատրաստում պատանի լրագրողների «Օրագիր» լրատվական հաղորդաշարը, որը եթեր կհեռարձակվի սեպտեմբերից:

Current announcements

This company has no active announcements at the moment

View all announcements